ТАНИЛЦУУЛГА
Монгол Улсын Их Хурлаас 2022 онд баталсан Үйлдвэрлэл, технологийн паркийн эрх зүйн байдлын тухай /шинэчилсэн найруулга/ хуулийн дагуу Засгийн газрын 2023 оны 257 дугаар тогтоолоор төрийн өмчит үйлдвэрлэл, технологийн паркийн удирдлагын “ЭРДЭНЭС ҮТП” ХХК-ийг “Эрдэнэс Монгол” ХХК-ийн 100 хувь охин компани хэлбэрээр байгуулсан.
АЛСЫН ХАРАА
Монгол Улсын аж үйлдвэрийн хөгжилд манлайлах үүрэг гүйцэтгэж, үйлдвэрлэлийн оновчтой гинжин хэлхээг бий болгож, эрдэс баялгаас нэмүү өртөг, технологи шингээсэн бүтээгдэхүүн үйлдвэрлэх замаар эх орондоо хөгжил дэвшил авчирна.
ЭРХЭМ ЗОРИЛГО
Үйлдвэрлэл, технологийн паркуудыг шинжлэх ухаан, инновацад тулгуурлан төлөвлөж, хөгжүүлэхдээ нөөцүүдийг зүй зохистой ашиглаж нийгэм, эдийн засаг, байгаль орчинд нөлөөлөх үр дүнг эерэг чиглэлд хөтөлж, бизнесийн тогтвортой, дэмжлэг бүхий платформыг бий болгож, иргэн бүрийн амьдралын чанарыг эрс дээшлүүлнэ.
ҮНЭТ ЗҮЙЛ
Эрхэм зорилгодоо хүрэхийн тулд компанийн чадварлаг ажилчид, үндэсний үзэл санаа, ёс суртахуун, ил тод байдал, хийж бүтээхийн чинхүү эрмэлзэл, шударга хөдөлмөр, нэгдмэл байдлыг үнэт зүйлээ болгоно.
МОНГОЛ УЛСЫН ЗАСГИЙН ГАЗРЫН ҮЙЛ АЖИЛЛГААНЫ ХӨТӨЛБӨР 2024-2028 ОН
“2021-2030” Эдийн засгийн бүтцийн шинэчлэлтийг эхлүүлж, өрсөлдөх чадварыг нэмэгдүүлэн, импортыг орлох болон экспортод чиглэсэн хүнд, хөнгөн үйлдвэрлэлийг хөгжүүлэх үе
“2031-2040” Хүнд, хөнгөн болон эрчим хүч, барилгын материалын үйлдвэрлэлийн хэрэгцээг дотоодоос бүрэн хангаж, экспортод чиглэсэн үйлдвэрлэлийг түлхүү хөгжүүлэх үе
Аж үйлдвэржилтийн сэргэлт
3.1. Ашигт малтмалын тусгай зөвшөөрөл олголтыг бүрэн цахимжуулж, өртөг зардлыг бууруулан хөрөнгө оруулалтыг нэмэгдүүлж, дэвшилтэт техник, технологид суурилсан, нэмүү өртөг шингэсэн уул уурхайн бүтээгдэхүүний хэмжээг дээшлүүлэн эрдэс баялгийн баталгаат нөөцийг арвижуулна.
3.2. Нэмүү өртөг шингэсэн хүнд үйлдвэрлэлийг хөгжүүлж, дотоодын бүтээн байгуулалтын хэрэгцээг хангаж, экспортыг нэмэгдүүлнэ.
Мега 14 төсөл
9. Нүүрс-хими, Кокс-химийн цогцолборыг ашиглалтад оруулна.
10. Зэс боловсруулах цогцолборыг ашиглалтад оруулна.
11. Гангийн цогцолборыг ашиглалтад оруулна.
3.3.1.5. Түүхий эд, бүтээгдэхүүнийг анхан шатнаас гүн боловсруулах Кокс-химийн цогцолбор, Нүүрс-химийн цогцолбор, Зэс боловсруулах цогцолбор, Ган үйлдвэрлэлийн цогцолбор, Жоншны хүдэр боловсруулах цогцолбор, Барилгын материал үйлдвэрлэлийн цогцолбор зэрэг хүнд үйлдвэрүүдийг ашиглалтад оруулж, нэмүү өртөг шингээсэн бүтээгдэхүүн боловсруулна.
ХӨРӨНГӨ ОРУУЛАЛТЫН ТААТАЙ ОРЧИН
Эрдэнэс Монгол Нэгдлийн хэрэгжүүлж буй 6 байршилд байгуулагдах ҮТП-ийн төслүүд нь гадаад, дотоодын хөрөнгө оруулагч, эргэн тойрны ордууд болон хувийн хэвшлийн аж ахуйн нэгжүүдийг хууль эрхзүй, татвар, хүний нөөц, ус, эрчим хүч зэрэг дэд бүтцийн таатай нөхцөлөөр хангаж, бизнесийн тогтвортой орчныг бүрдүүлэх зорилготой.
ПАРКИЙН ҮЙЛ АЖИЛЛАГААНД ТӨРӨӨС ҮЗҮҮЛЭХ БУСАД ДЭМЖЛЭГ
• Үнэт цаас гаргах, гадаадын хөнгөлөлттэй зээлд хөрөнгийн баталгаа гаргах
• Ажлын байрны төлбөрөөс чөлөөлөх
• Гадаадаас авах ажиллах хүч, мэргэжилтний зөвшөөрлийг хөнгөвчилсөн горимоор олгох
• Зөвшөөрөл авахад дэмжлэг үзүүлэх
• Паркийн дэд бүтцийн бүтээн байгуулалтыг санхүүжүүлж болно
• Төр, хувийн хэвшлийн түншлэлийг дэмжих
• Тогтворжуулах гэрчилгээ олгох, хөрөнгө оруулалтын гэрээ байгуулах
• Гаалийн тусгай бүс, гаалийн баталгаат үйлдвэр байгуулах
• Хуульд заасан бусад дэмжлэг
Үйлдвэрлэл, технологийн паркуудын өнөөгийн бодит нөөц
ҮЙЛДВЭРЛЭЛ, ТЕХНОЛОГИЙН ПАРКУУДЫН АЖИЛЛАХ УЯЛДАА ХОЛБОО
ҮЙЛДВЭРЛЭЛ, ТЕХНОЛОГИЙН ПАРКУУДЫН ЭДИЙН ЗАСГИЙН ҮР ӨГӨӨЖ
ҮТП-уудын төлөвлөсөн үйлдвэрүүд бүрэн хүчин чадлаараа ажиллахад жилдээ 1.2 тэрбум ам.долларын цэвэр ашигтай ажиллана. 6 ҮТП-ийн төсөл хэрэгжсэнээр жилдээ 7,728.4 сая ам.долларын борлуулалтын орлоготой ажиллаж 1.1 тэрбум ам.долларыг улсын болон орон нутгийн төсөвт төлөхөөр байгаа нь орон нутгийн өрсөлдөх чадварыг нэмэгдүүлнэ.
