Багануурын ордын хүрэн нүүрсийг 650С температурт дулааны боловсруулалтад оруулж хагас кокс буюу хөх нүүрс үйлдвэрлэнэ. Хөх нүүрс нь сайжруулсан шахмал түлштэй харьцуулахад нарийн ширхэглэгт тоосонцрын (PM 2.5) ялгарлын хэмжээ 80, хүхрийн исэл 64, азотын исэл 85 хувиар бага. Хөх нүүрс нь түүхий нүүрсэнд агуулагдах хорт нэгдлүүдийн хэмжээг багасгаж, Улаанбаатар хотын агаарын бохирдлыг 80 орчим хувиар бууруулна. Багануурын ордын нүүрсний дээжид эрдэмтдийн баг олон улсын байгууллагуудтай хамтран туршилт судалгаа хийсэн бөгөөд хүрэн нүүрснээс ахуйн хэрэглээнд хэрэглэх чанартай түлш, хөх нүүрсийг гарган авч Улаанбаатар хотын агаарын бохирдлыг бууруулах боломжтой.