“Эрдэнэс ҮТП” ХХК дараах ажлын байранд нээлттэй сонгон шалгаруулалт зарлаж байна.
Үүнд:
Гүйцэтгэл, тайлагнал хариуцсан мэргэжилтэн
Ажлын байрны зорилго:
Нэгжийн болоод төслийн хэрэгжилтийн гүйцэтгэлд дүн шинжилгээ хийх, явцыг тайлагнах үйл ажиллагааг оновчтой удирдан зохион байгуулах, удирдлагыг үнэн зөв мэдээллээр хангах чиг үүргийг хэрэгжүүлэх.
Ажлын байрны үндсэн зорилт:
- Гүйцэтгэлийн үнэлгээ, тайлагнал баримтжуулалт, өгөгдөл боловсруулах ба дүн шинжилгээ хийх, гүйцэтгэлийг тайлагнах;
- Оролцогч талуудтай харилцах, удирдлагаас өгсөн бусад чиг үүргийг хэрэгжүүлэх.
Ажлын байранд тавигдах шаардлага
Боловсрол: Бакалавр болон түүнээс дээш боловсролын зэрэгтэй байх
Мэргэжил: Санхүү, эдийн засаг, бизнесийн удирдлага, төслийн удирдлага, инженер, байгалийн шинжлэх ухаан
Мэргэшил: Уул уурхай, хүнд үйлдвэрлэлийн технологи, тоног төхөөрөмж, төсөл хэрэгжүүлэлт, менежментийн чиглэлээр ажилласан, туршлагатай байх. Тухайн албан тушаалын чиг үүрэгт хамаарах мэргэшүүлэх сургалтад хамрагдаж төгссөн бол давуу тал болно.
Туршлага: Мэргэжлээрээ 3, түүнээс дээш жил ажилласан байх.
Ур чадвар:
- MS Office, бусад хэрэглээний болон мэргэжлийн программ хангамжуудыг ашиглах чадвартай байх;
- Нэг ба түүнээс дээш гадаад хэлний мэдлэгтэй байх;
- Судалгаа шинжилгээ хийх, боловсруулах, дүгнэлт гаргах чадвартай байх;
- Багаар болон бие даан ажиллах чадвартай, ёс зүйн хэм хэмжээг баримталдаг, харилцааны өндөр соёлтой, байгууллагын нууц хадгалах;
- Хувийн зохион байгуулалт, ажлын цаг ашиглалт сайтай, өөрийн мэдлэг чадвар, өөрт байгаа мэдээллийг бусадтай хуваалцаж, баг хамт олныг үлгэрлэн манлайлдаг байх;
- Шаардлагатай тохиолдолд илүү цагаар ажиллах, төсөл хэрэгжих орон нутагт тодорхой хугацаагаар байрлан ажиллах боломжтой байх;
- Монгол хэл бичгийн найруулга зүйн чадвартай, албан хэрэг хөтлөлт, бичиг хэрэг, архивын чиглэлээр мэдлэгтэй байх.
БҮРДҮҮЛЭХ МАТЕРИАЛ:
- Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, товч намтар, өөрийн мэдлэг, ур чадвар, туршлагын талаар илэрхийлэх);
- Төрийн албан хаагчийн анкет,
- Нийгмийн даатгалын шимтгэл төлөлтийн лавлагаа (e-mongolia),
- Боловсролын диплом, мэргэжлийн үнэмлэх, сургалт, семинарт хамрагдсан гэрчилгээ, сертификатын хуулбар, (гадаадад их, дээд сургууль төгссөн бол баталгаат орчуулгын хамт),
- Иргэний үнэмлэхийн хуулбар,
- Бүтээлийн жагсаалт (линкээр байж болно),
- Ажил байдлын тодорхойлолт (өмнө нь ажиллаж байсан байгууллагын тодорхойлолт),
- Хугацаа хэтэрсэн зээлийн өртэй эсэх лавлагаа (e-mongolia)
- Эрүүгийн хариуцлага хүлээж байсан эсэх тухай лавлагаа (e-mongolia)
- Бүрдүүлэх материалыг цахим шуудангаар ирүүлэхдээ нэг PDF файл болгох, нэг хаягаас зөвхөн нэг материал хүлээн авна.
- Материалын бүрдэл дутуу тохиолдолд сонгон шалгаруулалтад бүртгэхгүй.
СОНГОН ШАЛГАРУУЛАЛТЫН МАТЕРИАЛ ХҮЛЭЭН АВАХ ХУГАЦАА: Сонгон шалгаруулалтад оролцох нэр дэвшигчийн материалыг 2026 оны 08 дугаар сарын 24-ний өдрийн 17:00 цаг хүртэл enkhtuya@erdenesitp.mn цахим хаягаар хүлээн авна.
Утас: Ажлын өдрүүдэд ажлын цагаар 75883399.
